Topla.az haqqında

Topla.az — istifadəçilərin boş vaxtını maraqlı keçirməsi üçün yaradılmış komanda əsaslı onlayn oyundur. Layihənin əsas məqsədi əyləncəli oyun təcrübəsi təqdim etmək, komanda işi və sosial ünsiyyəti təşviq etməkdir.

Biz layihənin şəffaf fəaliyyət göstərməsinə böyük önəm veririk. Buna görə də istifadəçilər və media nümayəndələri tərəfindən ən çox verilən sualları bir səhifədə topladıq.

Topla.az investisiya platforması deyil və istifadəçilərdən depozit qəbul etmir.

Layihədə heç bir maliyyə yatırımı müqabilində faiz, dividend və ya zəmanətli gəlir vəd edilmir.

Qeydiyyat tamamilə pulsuzdur və istənilən istifadəçi heç bir ödəniş etmədən oyuna başlaya bilər.

İstifadəçilər istədikləri halda yalnız oyunun inkişafını sürətləndirən bəzi oyundaxili funksiyaları əldə edə bilərlər. Bu alışlar investisiya xarakteri daşımır və yalnız oyun prosesinə aiddir.

Topla.az-da edilən ödənişlər yalnız oyundaxili funksiyaların və oyun nailiyyətlərinin sürətləndirilməsi məqsədi daşıyır.

Aşağıdakı resurslar satış predmeti deyil:

• Oyun sikkələri;
• Oyundaxili qızıl;
• "Hədiyyə Çarxı" fırlatmaları;
• Pul mükafatı əldə etmək hüququ.

Oyun sikkələri yalnız oyun prosesində sistem tərəfindən pulsuz təqdim olunur və real pulla əldə edilə bilməz.

Topla.az-da iki fərqli "Hədiyyə Çarxı" mövcuddur.

Saytın təqdimat səhifəsində yerləşən "Hədiyyə Çarxı" yalnız nümayiş (demo) məqsədi daşıyır və burada real uduş əldə etmək mümkün deyil.

Oyunun daxilində mövcud olan "Hədiyyə Çarxı" isə fırlanma qazanmaqla işləyir: fırlanmalar ayrıca satılmır, oyunda fəaliyyətə görə (gündəlik giriş, tapşırıqlar, mükafat yolu) və ödənişli alışlara bonus olaraq verilir.

Oyundaxili çarxda real pul uduşu təqdim edilmir. İştirakçılar yalnız virtual resurslar və oyundaxili üstünlüklər əldə edə bilərlər.

Topla.az komanda əsaslı oyundur və referal sistemi oyunun sosial mexanikalarından biridir.

İstifadəçilər dostlarını oyuna dəvət edərək birlikdə komanda qura, oyunda qarşılıqlı əməkdaşlıq edə və daha sürətli inkişaf edə bilərlər.

Referal sistemi investisiya və ya maliyyə fəaliyyəti deyil, yalnız oyunun sosial elementidir.

Topla.az komanda əsaslı oyundur və istifadəçilərin birgə fəaliyyət göstərməsi oyunun əsas prinsiplərindən biridir.

Oyunun təhlükəsizliyini və ədalətli oyun mühitini qorumaq məqsədilə yüksək səviyyələrdən bəzilərinə keçmək üçün istifadəçinin komandasında müəyyən sayda (məsələn, 10) təsdiqlənmiş iştirakçı olmalıdır — bu, vəsaitin çıxarılmasına deyil, yalnız səviyyə keçidinə aiddir və konkret tələb administrasiya tərəfindən müəyyən edilir.

Bu tələb istifadəçiləri ödəniş etməyə məcbur etmək məqsədi daşımır. Onun əsas məqsədi saxta (fake) hesabların, avtomatlaşdırılmış qeydiyyatların və oyundan sui-istifadə hallarının qarşısını almaqdır.

Təcrübə göstərir ki, belə bir yoxlama mexanizmi olmadıqda bəzi istifadəçilər yüzlərlə saxta hesab yaradaraq oyunun balansını pozmağa çalışırlar. Təsdiqlənmiş iştirakçı statusu komanda üzvlərinin real oyunçu olduğunu təsdiqləməyə kömək edir və bütün istifadəçilər üçün daha ədalətli oyun mühitinin qorunmasına xidmət edir.

Bu mexanizm yalnız oyunun komanda prinsiplərinin, təhlükəsizliyinin və balansının qorunması məqsədilə tətbiq olunur.

Qeyd: Təsdiqlənmiş iştirakçı — hesabını təsdiqləmiş və oyunda aktiv iştirak edən real istifadəçidir. Bu status oyun mühitinin təhlükəsizliyini qorumaq, saxta hesabların qarşısını almaq və komanda mexanikasının düzgün işləməsini təmin etmək məqsədilə tətbiq olunur.

Bütün ödənişlər rəsmi ödəniş sistemləri vasitəsilə həyata keçirilir.

Layihədə qeyri-rəsmi kartdan-karta (P2P) ödəniş mexanizmlərindən istifadə edilmir.

Maliyyə əməliyyatları qüvvədə olan qanunvericiliyin tələblərinə uyğun şəkildə həyata keçirilir.

İstifadəçilər tərəfindən əldə olunan vəsait hazırda yalnız M10 elektron pul kisəsinə köçürülür.

Bank kartlarına birbaşa köçürmə həyata keçirilmir.

Vergi və digər maliyyə öhdəlikləri qüvvədə olan qanunvericiliyə uyğun şəkildə tənzimlənir.

Toplanan fərdi məlumatlar Azərbaycan Respublikasının qanunvericiliyinin tələblərinə uyğun şəkildə qorunur və yalnız xidmətin göstərilməsi, istifadəçinin identifikasiyası, hesabın təhlükəsizliyi, parolun bərpası və loyallıq proqramının idarə olunması məqsədilə istifadə edilir.

Telefon nömrəsi istifadəçinin identifikasiyası, hesabın qorunması və parolun bərpası üçün istifadə olunur.

İstifadəçilərin əlaqə məlumatları şirkətin müştəri bazasının bir hissəsini təşkil edir və yalnız Topla.az layihəsi çərçivəsində istifadə olunur. Şəxsi məlumatlar istifadəçinin razılığı olmadan üçüncü şəxslərə ötürülmür.

Topla.az layihəsi proqram təminatının hazırlanması ilə məşğul olan UDA MMC tərəfindən hazırlanmışdır.

Şirkətin hüquqi fəaliyyəti, mühasibat uçotu, vergi uçotu, İFNT kodları və digər hüquqi məsələlərlə bağlı məlumatlar qanunvericiliyə uyğun qaydada aparılır.

Ətraflı hüquqi və maliyyə məlumatları ilə bağlı rəsmi sorğular şirkətin mühasibat və hüquq şöbəsi tərəfindən cavablandırılır.

İstifadəçilər arasında yanlış anlaşılmaların qarşısını almaq məqsədilə qeyd edirik ki, Topla.az:

• investisiya platforması deyil;
• maliyyə piramidası deyil;
• depozit qəbul etmir;
• istifadəçilərə faiz və ya zəmanətli gəlir vəd etmir;
• real pulla "Hədiyyə Çarxı" satmır;
• oyun sikkələrini real pulla satmır;
• real pul müqabilində təsadüfi pul uduşu təqdim etmir.

Topla.az gənc layihədir və komandamız platformanı davamlı olaraq inkişaf etdirir.

İstifadəçilərin və media nümayəndələrinin rəy və təklifləri bizim üçün dəyərlidir. Məhz bu rəylər sayəsində yeni funksiyalar hazırlanır, mövcud mexanikalar təkmilləşdirilir və layihə daha şəffaf və rahat olur.

Layihə ilə bağlı əlavə suallarınız olarsa, bizimlə əlaqə saxlaya bilərsiniz. Komandamız bütün müraciətlərə diqqətlə yanaşır və mümkün qədər operativ cavab verməyə çalışır.